📣 ANG CALAMBA CEMETERY ANDAM NA ALANG SA HAPSAY UG LUWAS NGA KALAG-KALAG 2025 🕯️
Barangay Calamba — Andam na kaayo ang Minteryo sa Calamba alang sa pagsaulog sa Kalag-Kalag 2025, ubos sa pangulo ni Kapitan Ester G. Concha ug sa Barangay Konseho, uban ang suporta sa San Nicholas Parish ug Remedios Parish.
Sa panginlabot usab sa Station 6 – Calamba Police, nga gipangulohan ni PLT. Fredilson M. Codilla ug PSMS. Eugenio DF. Santillan, gisiguro nga hapsay ug luwas ang pag-obserba sa tradisyonal nga paghinumdom sa atong mga minahal sa kinabuhi.
Gipahibalo ni Kapitan Concha nga adunay igo nga security deployment, traffic management, ug crowd control measures aron malikayan ang kalisod sa kadalanan ug mga kalit nga insidente sa sementeryo.
Gisuportahan usab kini sa mga barangay tanod ug volunteers sa minteryo aron masiguro ang kalinaw ug kahapsay sa tibuok kalihukan.
🗣️ “Ang atong tumong mao ang malinawon ug luwas nga Kalag-Kalag para sa tanan. Magtinabangay ta aron malikayan ang kagubot ug mapadayon ang respeto sa atong mga patay,” matud pa ni Kapitan Concha.
Gipaabot sa tanan nga magpabilin sa disiplina, pagsunod sa mga lagda sa kalinaw ug kalimpyo, ug pag-obserba sa espirituhanong kahulogan sa maong kasaulogan.
#kapdoki
#kausabancalamba
#kenner
