Gipahigayon karong adlawa, Oktubre 25, 2025, sa Barangay Gymnasium ang Barangay Assembly Day sa Barangay Calamba.
Pinangulohan ni Dr. Ester G. Concha, gipresentar sa Barangay Calamba ang mga kalampusan sa miaging tuig ug ang mga umaabot nga programa, proyekto, ug kalihokan nga ipatuman sa tuig 2026.
Gitambongan ang kalihokan sa nagkadaiyang sektor sa komunidad, uban ang tanang opisyal ug empleyado sa barangay.
Si DILG Cebu City LGOO VI Emarie T. Quema-Deiparine mitunol sa mensahe gikan sa Kalihim sa Department of the Interior and Local Government, subay sa tema karong tuiga:
🗣️ “Araw ng Pakikibahagi: Solusyon at Aksyon ating Talakayin ngayong Barangay Assembly!”
Subay sa Seksyon 397 sa Local Government Code of 1991, gikinahanglan nga ang tanang barangay magpahigayon og Barangay Assembly dili moubos sa makaduha matag tuig aron mapalambo ang partisipasyon sa katawhan ug kalinaw sa pagpangobyerno.
🤝 Padayon sa pagkahiusa ug paglambo, Calamba!
#kapdoki
#kausabancalamba
#Kenner
