LIBRENG CERVICAL CANCER SCREENING GIPASIOUGDA SA CALAMBA HEALTH CENTER
Kababayen-an nga 30-49 anyos gidasig nga mokuhà sa HPV-DNA Testing
BRGY CALAMBA– Usa ka hinungdanong lakang alang sa kahimsog sa kababayen-an ang ipatuman karong Agosto 22, 2025, sa Calamba Health Center, diin libre nga ihatag ang cervical cancer screening gamit ang HPV-DNA testing.
Ang kalihokan bukas para sa mga kababayen-an nga 30 hangtod 49 ka tuig ang edad ug kinahanglan nga:
Walay regla sa adlaw sa screening
Dili buntis
Wala pa nanganak sulod sa miaging unom (6) ka semana
Wala pa na-operahan sa matres
Ang programa gihimo isip kabahin sa kampanya batok cervical cancer nga usa sa nag-unang hinungdan sa kamatayon sa kababayen-an. Gipasiugda kini sa panaghiusa sa Department of Health, ug sa Lokal nga Kagamhanan sa Calamba.
Oras: 8:00 AM – 3:00 PM
Lugar: Calamba Health Center
Kapitan Ester G. Concha, Brgy. Calamba, mipadayag sa iyang dakong pagsuporta sa maong kalihokan:
“Dili kini basta-basta lang nga aktibidad. Usa kini ka dakong tabang para sa atong mga kababayen-an nga dili kasagaran makapahimulos og mamahalon nga testing. Gikinahanglan nato ang suporta sa komunidad aron mas daghang mahatagan og proteksyon ug kahibalo batok sa cervical cancer.”
Pahimangno sa Publiko:
Gidasig ang tanang kwalipikado nga kababayen-an nga moadto sa health center ug dad-on ang ilang valid ID, magpahimutang og sayo sa buntag aron malikayan ang pagsinumbalay.
Para sa dugang kasayuran, bisitaha ang Calamba Health Center
