City Health Department Cebu City Wellness Program
Ang City Health Department sa Dakbayan sa Sugbo magpadayon sa ilang dedikasyon nga mahatod ang dekalidad ug libre nga serbisyo medikal pinaagi sa ilang “Check-up, Tambal, ug PhilHealth Na Sa Inyong Barangay” nga programa.
Kini nga inisyatiba nagtumong sa paghatag og accessible primary care services, health education, ug wellness support para sa tanan nga residente, ilabina sa mga nakapailawom sa Konsulta Package sa PhilHealth. Pinaagi sa maong programa, ang mga CALAMBAHANON makapahimulos og libre nga medical check-up, tambal, ug tabang sa PhilHealth enrollment o pag-update sa ilang membership.
Venue: Barangay Calamba Gym
Petsa: Hulyo 16, 2025
Oras: 8:00 sa buntag hangtod 5:00 sa hapon
Kini usa ka oportunidad para sa tanang residente sa Barangay Calamba ug kasikbit nga mga lugar aron masuta ang ilang kahimtang sa panglawas ug malikayan ang mga balatian pinaagi sa preventive care.
Ang mga serbisyo nga ilang pagadad-on naglakip sa:
Basic Health Check-up
Libreng Tambal alang sa kasagarang balatian
Pagtabang sa PhilHealth Konsulta enrollment
Health Education ug Counseling
Gi-awhag ang tanan nga moapil ug magdala sa:
PhilHealth ID (kung adunay)
Barangay Certificate (kung gikinahanglan)
Valid ID
Reseta (kung adunay existing maintenance medication)
Ang programa nagtinguha nga madani ang katawhan nga magpasiugda sa preventive healthcare aron malikayan ang mas seryoso nga balatian ug magmalipayon ug himsog ang kinabuhi.
