Calamba Mipildi sa Defending Champion nga Labangon sa Sugbu Cup Overtime Thriller!
Kasing-kasing ug team effort ang nakapadaug! 
Saludo Calamba, pildi ang champion Labangon sa overtime! 
Guadalupe Gym — Usa ka makasaysayanong duwa ang nahitabo karong adlawa human mapilde sa underdog nga team Calamba ang reigning champion nga Brgy. Labangon sa Sugbu Cup. Human sa usa ka intense nga four quarters, ni-abot og overtime ang duwa ug gipakita sa Calamba ang ilang kasing-kasing ug determinasyon, nagpildi sa Labangon sa iskor nga 59-51.
Walay usa ka player nga misidlak lang kay total team effort ang nakapadaug sa Calamba. Gikan sa depensa hangtod sa opensa, nagtinabangay ang tanang players aron makab-ot ang ilang dakong upset win batok sa paboritong team sa torneo.
Dako ang pasalamat sa team Calamba sa among kapitan Ester G. Concha, sa mga SK officials, ug sa among dedicated nga team coaches nga walay undang nga nagsuporta ug naggiya sa team hangtod sa kataposang minuto.
Ang Calamba nagpamatuod nga sa basketball, dili lang kusog ang importante, kundili ang tinud-anay nga team play ug fighting spirit. Sugod karon, bantayan na gyud sa Sugbu Cup ang Calamba — ang underdog nga napamatud-an nga maka surprise sa tanan.
