Padayon ang pagmonitor sa kahimtang sa sapa sa Barangay Calamba aron masiguro ang kaluwasan sa tanang residente ug malikayan ang posibleng pagbaha ilabi na sa panahon sa kusog nga ulan.
Ang monitoring gihimo sa atong Barangay Disaster Risk Reduction and Management (BDRRM) Volunteers, nga gipangulohan ni Fritch Van Villamorte, uban sa iyang mga kaubang boluntaryo nga walay hunong nga nagbantay ug nagsubay sa kahimtang sa sapa.
Kini nga kalihokan gihimo ubos sa pagmando ug suporta ni Barangay Captain Ester G. Concha, uban sa pagdumala ni BDRRM Chairman Konsehal Kenner A. Bacurnay, isip kabahin sa padayon nga pagpalig-on sa disaster preparedness ug emergency response sa barangay.
Naghangyo kami sa tanang residente nga magtinabangay pinaagi sa:
- Dili paglabay og basura sa sapa.
- Pagreport dayon sa Barangay kung adunay makita nga pagbabag sa agianan sa tubig o bisan unsang kahimtang nga mahimong hinungdan sa peligro.
Daghang salamat sa atong mga BDRRM Volunteers sa ilang walay hunong nga serbisyo, dedikasyon, ug pagkamabinantayon alang sa kaluwasan sa atong komunidad.
Magtinabangay kita aron mapabiling luwas, limpyo, ug andam ang Barangay Calamba sa tanang panahon.
#KausabanCalamba
#KapDoki
#KennerBox