𝗣𝗔𝗛𝗜𝗕𝗔𝗟𝗢 | 𝗔𝗱𝘃𝗶𝘀𝗼𝗿𝘆 𝗦𝗮 𝗩𝗼𝗹𝗰𝗮𝗻𝗶𝗰 𝗔𝘀𝗵𝗳𝗮𝗹𝗹

📢 PAHIBALO SA TANANG LUMULUPYO SA BARANGAY CALAMBA

Tungod sa padayon nga kalihokan sa Mount Kanlaon ug sa posibilidad nga adunay volcanic ash nga makaabot sa pipila ka bahin sa Visayas, ginahangyo ang tanang residente sa Barangay Calamba nga magmatngon ug mag-amping sa ilang panglawas ug kaluwasan.

Ang volcanic ash mahimong hinungdan sa:
• Ubo ug sip-on
• Iritasyon sa mata ug panit
• Lisod nga pagginhawa, labi na sa mga bata, senior citizens, ug mga adunay sakit sa baga

Mga paalaala:
✅ Pagsul-ob og face mask kung mogawas sa balay.
✅ Tabuni ang mga sudlanan sa tubig ug pagkaon aron malikayan ang pagsulod sa abo.
✅ Likayi ang dugay nga pagpabilin sa gawas kung adunay ashfall.
✅ Bantayi ug sundi ang mga opisyal nga pahibalo gikan sa mga awtoridad ug sa lokal nga panggamhanan.

Ang Barangay Calamba nag-awhag sa tanang lumulupyo nga magtinabangay ug magpadayon sa pagmatngon aron mapanalipdan ang atong pamilya ug komunidad.

Nagpahibalo:
Brgy. Kapitan Ester G. Concha

“Ang pag-amping sa matag usa mao ang atong labing dakong panalipod. Magtinabangay ug mag-amping kanunay.”