Dako kaayong garbo sa among barangay ang atong Brgy. Fire Volunteers nga padayon nagpakita sa ilang kaisog, dedikasyon, ug kahandam sa pagserbisyo sa komunidad. 💪🚒
Sa nahitabong residential fire sa Brgy. Kasambagan, walay pagduha-duha nga mitubag ug nakigbatok sa sunog ang atong mga volunteers aron mapugngan ang pagkalapad sa kalayo ug mapanalipdan ang kinabuhi ug kabtangan sa mga residente.
Usa sa mga eksena nga na-capture sa pitik sa SunStar Cebu mao si Winston Villamorte, usa sa aktibong Brgy. Fire Volunteer sa Brgy. Calamba, nga nagpakita sa iyang kaisog ug dedikasyon sa pagtabang sa pagpalong sa sunog. 📸🔥
Nagpahayag usab sa ilang suporta ug pagpasalamat si Brgy. Kapitan Ester G. Concha sa tanang volunteers nga andam motubag sa oras sa kalamidad. Dugang pa, ang Brgy. Fire Volunteer Focal Person, Kons. Kenner A. Bacurnay, nagpasabot nga padayon ang pagpalig-on sa fire volunteer program aron mas mapanalipdan ang komunidad.
👏 Saludo mi kaninyong tanan!
Padayon sa pag-alagad ug pagpanalipod sa katawhan. 👨🚒🔥
#BrgyCalamba
#FireVolunteers
#SunStarCebu
#SaludoSaBoluntaryo
