Maayong adlaw mga ka-Barangay!
Ang Barangay Calamba, nga gipangulohan sa atong kugihan nga Kapitan Ester G. Concha, uban kang Hon. Kenner A. Bacurnay, Chairman sa Committee on Environmental Sanitation & Waste Management, ug sa atong mga konsehales, nagpadayon sa usa ka programa nga makatabang sa kalimpyo sa atong palibot ug sa panginabuhi sa katawhan.
Sa maong programa, ang plastic nga inyong makolekta mahimong ilisan og bugas.
📌 Matag 5 ka kilo nga plastik = 3 ka kilo nga bugas.
Ang pagdawat ug pagtimbang sa plastik ginabuhat sa Barangay Hall sa Brgy. Calamba.
♻️ Tumong sa programa:
♻️ Pagpakunhod sa plastik nga basura sa atong barangay
🌱 Pagtabang sa pagpanalipod sa kalikupan
🍚 Paghatag og dugang tabang sa pagkaon sa atong mga ka-barangay
👉 Dili lang plastic bottles ang dawaton — bisan unsang klase sa plastic pwede matimbang basta hinloan ug limpyo.
Ginaengganyo namo ang tanan nga mag-apil ug magtinabangay aron mahimong mas limpyo ug mas maayong puy-anan ang atong barangay.
Magdala lamang sa inyong nakolektang plastik ug ipatimbang sa Barangay Hall. Ang basura mahimong bugas kung magtinabangay ta!
📸 Makita sa hulagway ang aktibong partisipasyon ni Hon. Kenner A. Bacurnay, Chairman sa Committee on Environment & Sanitation, samtang nagdumala sa pagdawat ug pagtimbang sa mga plastik nga gidala sa atong mga residente. Nagpakita kini sa iyang dedikasyon ug personal nga pag-apil aron masiguro nga hapsay, patas, ug organisado ang implementasyon sa atong Plastic Palit–Bugas Program.
Daghang salamat sa padayon nga suporta ug pakighiusa sa atong mga lider ug katawhan sa Brgy. Calamba. Padayon kita sa pagtinabangay alang sa mas limpyo ug mas maayong komunidad! 🌿♻️
#kausabancalamba
#kapdoki
#kennerbox
