Gibutang sa PAGASA ilawom sa Signal No. 1 ang lalawigan sa Cebu ug uban pang mga lugar sama sa Bohol, Eastern Samar, Leyte, Siquijor, Negros Occidental, Negros Oriental, ug pipila ka bahin sa Mindanao tungod sa Tropical Storm Basyang, sumala sa opisyal nga ulat alas 11:00 sa gabii, Pebrero 4, 2026.
Tungod niini, nanawagan si Barangay Calamba Kapitan Ester G. Concha uban sa mga konsehal sa tanang molupyo nga magbinantayon ug mag-amping, ilabi na batok sa posibleng kusog nga ulan ug hangin nga mahimong hinungdan sa baha ug landslide.
Giawhag usab sa mga opisyal sa barangay ang mga residente nga:
- Maminaw ug mosunod sa opisyal nga pahimangno sa PAGASA
- Siguruhon ang kalig-on ug kahimtangan sa ilang mga balay
- Andam kanunay ang mga emergency nga panginahanglanon
Ang Barangay Calamba magpadayon sa hugot nga pagmonitor sa sitwasyon aron maseguro ang kaluwasan sa matag usa.
#KausabanCalamba
#KapDoki
#KennerBox
