Gipahibalo ang tanang molupyo sa Barangay Calamba nga subay sa mando ni Mayor Nestor Archival, hingpit nang ipatuman ang palisiya nga “No Segregation, No Collection” sugod karong umaabot nga Marso.
Kini nga lakang gihimo tungod sa nagkadaghang hagit sa pagdumala sa basura, lakip na ang pagsira sa landfill sa Binaliw. Isip pagpangandam, ang atong barangay, ubos sa liderato ni Punong Barangay Hon. Ester G. Concha ug sa Chairman sa Committee on Environment & Sanitation, Konsehal Kenner A. Bacurnay, magpatuman sa mosunod:
♻️ MGA KINAHANGLANON BUHATON:
✅ I-lain ang basura
– Malata (Biodegradable)
– Di-malata (Non-biodegradable)
– Mahimong mapuslan pa (Recyclables)
❌ Dili kolektahon ang basura nga wala nabulag sumala sa hustong klase.
📣 Information Campaign
Magpadayon ang barangay sa pagbisita sa mga purok aron ipasabut ang husto ug sakto nga pagbahin-bahin sa basura.
⚠️ IMPORTANTE NGA PAHINUMDOM:
Sugod sunod bulan (Pebrero), magsugod na ang dry run o praktis sa pag-isyu og citation tickets (multa) alang sa mga makalapas, aron maanad ang tanan sa dili pa ang hingpit nga implementasyon sa Marso.
🤝 Ang kooperasyon sa matag panimalay gikinahanglan alang sa mas limpyo ug mas hapsay nga Barangay Calamba. Atong ampingan ang atong palibot!
Gikan sa buhatan ni:
HON. ESTER G. CONCHA – Punong Barangay
HON. KENNER A. BACURNAY – Chairman, Committee on Environment & Sanitation
#KausabanCalamba #NoSegregationNoCollection #LimpyoNgaBarangay #ResponsablengCalambanhon
