Samtang nagsaulog ang Barangay Calamba sa Baranggayan 2025, misidlak usab ang Lucio Lopez Drive sa kahayag ug hudyaka pinaagi sa Night Market, nga opisyal nga nagbukas gikan Nobyembre 15 hangtod 22.
Pinangulohan ni Kapitan Ester G. Concha ug sa masaligan niyang mga konsehal, gipahigayon ang Night Market aron ipakita ang pagkahiusa, suporta sa lokal nga negosyo, ug kalipay sa komunidad. Kada gabii sugod alas 6 sa gabii, misugod dayon ang masadyang kalihokan uban ang musika, suga, ug daghang tindahan.
Sa pag-abli sa operasyon, mihayag ang dalan sa Lucio Lopez Drive sa nagkaning-kining food stalls, street food vendors, accessories, ug lokal nga produkto. Puno ang kahanginan sa humot sa bag-ong luto nga pagkaon ug sa kasaba sa naghalakhak nga mga tagabisita.
Ang Night Market sa Barangay Calamba nahimong simbolo sa lig-on nga panaghiusa ug kusog sa komunidad—usa ka semana nga puno sa kahayag, kasadya, ug kalihokan nga gipangulohan pag-ayo ni Kapitan Ester G. Concha ug sa konseho sa barangay. Ang tanan, taga-Calamba man o bisita, nakasinati sa tinuod nga espiritu sa Baranggayan 2025.
#kausabancalamba
#kapdoki
#kenner
