Bag-ong Mini Bus E-Bike, Gitunol sa mga Tanud isip Suporta sa Seguridad
Sa usa ka makasaysayan ug mapasigarbohong kalihukan, pormal nga gitunol sa Kapitan Ester Concha ug Konseho sa Barangay ang usa ka mini bus e-bike nga adunay unom (6) ka lingkoranan nga ipagamit sa mga Barangay Tanud aron mapalambo ang ilang serbisyo sa seguridad.
Ang maong sakyanan, nga gitawag sa mga residente nga “Tanud Mobile”, usa ka eco-friendly ug modernong pamaagi sa pagpasiugda sa kaluwasan ug kahapsay sa komunidad. Gipalit kini pinaagi sa inisyatibo sa Barangay Council pinaagi sa barangay development fund nga gi-aprobahan sa sesyon, nga may tuyo nga paspas ug luwas nga mobility sa mga tanud ilabi na sa ronda, pagresponde sa mga insidente, ug pagsuporta sa mga kalit nga kalihokan sa barangay.
Kini nga e-bike usa ka hulma sa among padayong suporta sa mga tanud. Sila ang atong unang linya sa depensa batok kriminalidad ug kalit nga kalamidad. Gikinahanglan nato silang hatagan og insakto nga gamit aron epektibo ang ilang serbisyo.”
Ang e-bike adunay kapasidad nga makasakay og unom ka tawo ug lig-on nga makina nga angay sa mga dalan. Gilauman nga kini makatabang sa pagpauswag sa operasyon sa tanud, lakip na sa pagpanglatas sa layo nga mga sityo ug pagmonitor sa mga checkpoint.
